جامعه الامام المستوي الثالث مبادئ اعمال مصرفيه

الله يقطع هالجرايد ..

خبر يوجع ..

وكايد!!

عينوا الحرامي وزير..

لا تستغرب ..

في بلدنا يصير!!

جاي من اوربا يطير..

شهاده مزوره ..

دكتوراه في الباميا ..

او الشعير ..

مو مهم ..المهم صار وزير

اول قرار ..توظيف العائله ..

الكبير ..والدلخ الصغير

والرواتب راهيه ..

ثاني قرار : الحاشيه

ربع منول ..

شله بلا ضمير ..

تاكل وتوكل الراس الكبير

والولاء مو للوطن ..

الولاء للوزير ..

ويبدا الشغل على الوطن

والمواطن..

سلخ وتعزير ..

ومناقصات وسمسره

العقل منها يطير

الحصانه  دائمه ..

والرقابه نايمه ..

والفلوس بحر غزير

دام النفط ينبع ..

والخير وفير..

سيعيش الوزير ..

وعيال الوزير..

وتموت الوزاره

والمواطن ..!!

اه يا المواطن ..

رمز الخساره ..

في عيون الوزير

رمز الحقاره ..

لقريح ,,

المهم تبقي الوزاره ..

وعيال العمومه ..

وشله الحنشل الملمومه..

حتى يدوم العز ..

وعاشت الحكومه